محافظة السويدا اذا ما بتعرفا
نحنا من محافظة بتتباهى بغرف المونة،
مثل ما يتباهوا بالمكتبات والاثاث،

نحنا من محافظة ما بتعرف تسأل الضيف جوعان حتى طعميك؟
نحنا منحط السفرة ومنقول للضيف شرف الاكل جاهز.
كل اهل البلاد هوايتهن العزايم ومد السفر والكرم.

نحنا من محافظة وين ما قطعت بتسمع فيها عبارات (حول اشرب قهوة)
(ميل يا عمي)
(حماتك بتحبك القهوة جاهزة) ..
من بلاد الكرم فيها شهامة، ونخوة وعلامة سيادة،

من محافظة صبحيتا اقل شي 3 ركوات،
الشجر المثمر بديارنا بياكول منو كل الحي،

اذا بتعمل زيارة لأصحاب البساتين
ما بتطلع من عندن الا وبترجع محمل بالخضرة والفواكة..

من محافظة بتتزوج فيها البنت، بس مونتا من اهلا بتوصلا كل سنة،

نحنا من محافظة منقول فيها (الايد الفاضية مجوية) وفتاح بيتك وافتخر او سكرو ونستر،

نحنا من محافظة بتفكر بأكل العصفور، منتركلو ثمار بالشجر ،منقول وفي العصافير بدا تاكل تركوا للطير..

ما منعرف نجوع ولا نمد ايدنا ..