بين : هالحدا مابينطاق، أو هالإنسان شو رائع.💫 ولاشي بس قبول، وهالقبول أحياناً لأسباب، وبكثير أحيان بلا ولا شيء .. هيك من الله. بتفوت ع مكان، بتحكي كلمتين، بتلاقي حدا حبّك من أول لحظة، وواحد تاني مو منتبه عليك كلك، والثالث مو طايقك. بتمزح مزحة، في ناس بتضحك من قلبها، وناس تانية بتحس دمك ثقيل. بتمشي بمكان، ناس بتشوفك هيبة، وناس ثانية بتقول شو مبهدل. كل هذا مو غريب الغريب إنو في شخص مفكر حاله عبقري، ومقتنع إنو بيقدر يخلّي كل الناس تحبه، وبنفس الوقت في شخص تاني شايف أنو محدا بحبو  أو رح يحبه أبداً. بس الحقيقة أبسط من هيك: في ناس بحياتك رح تقبلك متل ما إنت، من دون أي مجهود، وفي ناس لو بتشعلها العشرة رح تقلك الإنارة خافتة. ف روق وخلي قلبك خفيف، وما تعذب حالك كثير بالحسابات.💜💫